More Anè,

Nou net met jou klaar oor die foon gepraat, kan al sien hoe skarrel julle om die ontbyt gereed te kry!

Die Hoëveld en spesifiek ons grootword plaas Goedehoop, daar aan die walle van die Vaalrivier is verweef in my menswees, en sal altyd deel wees van wie ek is, dis waar my hart is en waarna ek gereeld heimwee kry!

Dis daarom dat ek soveel vreugde het in Florence gasteplaas, dit voel kompleet of my batterye herlaai is wanneer ons van daar af kom.

Dankie weer vir jou liefde en gasvryheid wat ons al so dikwels kon beleef en geniet het!

Mag wat julle daar doen van krag tot krag gaan en jy ons Hemelse Vader se seën beleef op alles wat jy aanpak!

Aangeheg ons E-Nuusbrief uitstappie, net miskien vind hy 'n ereplek in jou Chalet leêr!

Liefdegroete,

Betty Fourie